Surah Al-Araf Ayahs #89 Translated in Khmer

ហើយឆ្ពោះទៅស្រុកម៉ាទយ៉ាន (យើងបានចាត់បញ្ជូន) ភាតារបស់ពួកគេ គឺសូអែប។ គាត់បាននិយាយថា ឱក្រុមរបស់យើង! ចូរ ពួកអ្នកគោរពប្រណិប័តន៍ចំពោះអល់ឡោះ។ សំរាប់ពួកអ្នក គ្មានម្ចាស់ជា ទីសក្ការៈណាមួយក្រៅពីលោកឡើយ។ ភស្តុតាងមួយ ពិតជាបានទៅដល់ពួក អ្នកហើយ មកពីម្ចាស់របស់ពួកអ្នក។ ហេតុនេះ ចូរពួកអ្នកបំពេញរង្វាល់ និងការថ្លឹង ហើយចូរអ្នកកុំបំបាត់ចំពោះមនុស្ស នូវវត្ថុទាំងឡាយរបស់គេ ហើយចូរអ្នកកុំធ្វើឱ្យខូចខាតនៅលើដែនដី បន្ទាប់ពីកំនែលំអវារួចហើយ។ ទាំងអស់នេះ គឺប្រសើរបំផុតសំរាប់ពួកអ្នក ប្រសិនបើពួកអ្នកជាអ្នកមាន ជំនឿមែន

ហើយចូរពួកអ្នកកុំអង្គុយនៅឯផ្លូវគមនាគមន៍ ដែលពួកអ្នក នឹងគំរាម ហើយពួកអ្នករំខានពីផ្លូវអល់ឡោះ ចំពោះជនដែលមានជំនឿនឹង អល់ឡោះ ដើម្បីពួកអ្នកចង់ឱ្យផ្លូវនោះវៀចវេរ។ ចូរពួកអ្នករំលឹកឡើងវិញ ក្នុងខណៈដែលពួកអ្នកមានគ្នាតិចតួចបំផុត រួចមក លោកបានធ្វើឱ្យអ្នកមាន គ្នាច្រើនលើសលុប ។ ហើយចូរពួកអ្នកពិនិត្យមើល តើយ៉ាងណាទៅអនាគត របស់ពួកដែលធ្វើឱ្យខូចខាតនោះ

បើសិនមួយក្រុមនៃពួកអ្នកបានមាន ជំនឿលើអ្វីដែលគេបានចាត់បញ្ជូនយើងឱ្យនាំមកនោះ ហើយមានមួយក្រុម ទៀតមិនទាន់មានជំនឿនៅឡើយនោះ ចូរពួកអ្នកអត់ធ្មត់ទាល់តែអល់ឡោះ វិនិច្ឆ័យក្នុងចំណោមពួកយើង។ លោកជាអ្នកដែលវិនិច្ឆ័យដ៏ប្រសើរបំផុត?

អ្នកមុខអ្នកការដែលបានវាយឫកនៃក្រុមពួកសូអែបថាឱ្យ យើងប្រាកដជានឹងបញ្ចោញអ្នក ឱសូអែប! ព្រម ទាំងពួកដែលមានជំនឿរួមជាមួយអ្នក ឱ្យចេញពីភូមិឋានរបស់យើង ឬពួកអ្នកវិលត្រលប់ទៅក្នុង សាសនារបស់យើងវិញ។ សូអែបឆ្លើយថា តើធ្វើដូចនេះ ទោះបីពួកយើងជាពួកអ្នកស្អប់ខ្ពើមក៏ដោយ ឬ?

ជាការពិតណាស់ ពួកយើងបានប្រឌិតទៅលើអល់ឡោះនូវការភូតកុហក ប្រសិនបើ យើងបានវិលត្រលប់ទៅកាន់សាសនារបស់ពួកអ្នកវិញ បន្ទាប់ពីពេលដែលអល់ឡោះបានជួយ សង្គ្រោះពួកយើងអំពីសាសនានោះហើយ។ ការដែលពួកយើងត្រូវវិលត្រលប់ទៅកាន់សាសនា នោះវិញ នឹងមិនអាចកើតមានឡើយចំពោះពួកយើង លើកលែងតែម្ចាស់របស់យើង មានបំណង ប្រាថ្នា។ ម្ចាស់របស់យើងទូលំទូលាយ នូវការដឹងចំពោះគ្រប់វត្ថុទាំងអស់។ គឺលើអល់ឡោះ ដែល យើងបានផ្ញើកាយ។ ឱម្ចាស់របស់យើង! សូមលោកវិនិច្ឆ័យដោយសច្ចភាពរវាងយើង និងរវាង ក្រុមរបស់ពួកយើង។ លោកជាចៅក្រមដ៏ល្អប្រសើរបំផុត