Surah Al-Baqara Ayahs #100 Translated in Khmer

ជាការពិតណាស់ អ្នកគង់តែនឹងជួបប្រទះពួកគេ ជាមនុស្សលោភលន់ជាងគេលើជីវិតរស់នៅ និងជាជាងពួកដែលបានធ្វើ ស៊ីរិកទៅទៀត។ ពួកគេម្នាក់ៗនឹកនាចង់ឱ្យគេផ្តល់អាយុបានមួយពាន់ឆ្នាំ ប្រសិនគេផ្តល់អាយុឱ្យនោះ ក៏គេម្នាក់ៗពុំមែនជាអ្នកគេចផុតពីទណ្ឌកម្ម បានដែរ។ ហើយអល់ឡោះជាអ្នកឃើញបំផុតពីអ្វីដែលពួកគេបានប្រព្រឹត្ត??

ថាទៅ ជនណាដែលជាសត្រូវចំពោះជីព្រីល តាមពិតវាគ្រាន់តែ បញ្ចុះគម្ពីរទៅលើចិត្តអ្នក ដោយការអនុញ្ញាតពីអល់ឡោះ ជាការបញ្ជាក់ ចំពោះអ្វីដែលមាននៅចំពោះមុខគេ ជាមគ្គុទ្ទេសន៍ និងជាដំណឹងរីករាយ សម្រាប់ពួកដែលមានជំនឿ

ជនណាដែលជាសត្រូវចំពោះអល់ឡោះ ម៉ាឡាអ៊ីកាត់លោក រ៉សូលលោក ជីព្រីល និងមីកាល គឺ អល់ឡោះពិត ជាសត្រូវចំពោះពួកដែលមិនជឿ

ហើយជាការពិតណាស់យើងបាន បញ្ចុះទៅអ្នកនូវអាយ៉ាត់ទាំងឡាយដ៏ច្បាស់លាស់។ ហើយគ្មានជនណា ដែលមិនជឿនឹងអាយ៉ាត់ទាំងនោះ ក្រៅពីពួកខិលខូចឡើយ

ចុះហេតុ អ្វីនៅរាល់គ្រាដែលពួកគេបានសន្យានូវការសន្យាណាមួយ ហើយពួកគេ មួយក្រុមតែងតែបានបោះបង់ការសន្យានោះ។ មិនតែប៉ុណ្ណោះ ពួកគេ ភាគច្រើនមិនមានជំនឿ