Surah Al-Mujadala Ayahs #13 Translated in Khmer

ឱបណ្តាពួកដែលបានជឿ! កាលណាពួកអ្នកបានខ្សឹបខ្សៀវគ្នា ចូរពួកអ្នក កុំខ្សឹបខ្សៀវគ្នាដោយបាបកម្ម និងធ្វើសត្រូវ និងការល្មើសបំពានឱវាទរ៉សូលឱ្យសោះ ហើយចូរពួក អ្នកខ្សឹបខ្សៀវគ្នាដោយកុសល និងការគោរពកោតខ្លាច ហើយចូរពួកអ្នកគោរពកោតខ្លាចអល់ឡោះ ដែលពួកអ្នកនឹងត្រូវគេកេណ្ឌទៅកាន់លោក

ការពិត ការខ្សឹបខ្សៀវ គឺសុទ្ធតែមកពីស្ហៃតន ដើម្បីបង្កការបារម្ភចំពោះអ្នកដែលជឿ ក្នុងករណីដែលពុំមែនជាអ្នកផ្តល់ឧបសគ្គដល់ពួកគេបន្តិចឡើយ ក្រៅពីដោយការអនុញ្ញាតពីអល់ឡោះ។ ហើយទៅលើអល់ឡោះ ចូរពួកអ្នកដែលជំនឿ ផ្ញើក្តីទុកចិត្ត

ឱបណ្តាពួកដែលជឿ! កាលណាគេបាននិយាយទៅកាន់ពួកអ្នក ចូរពួកអ្នកពង្រីកឱ្យបានទូលាយ ក្នុងទីជួបជុំទាំងឡាយ ពេលនោះចូរពួកអ្នកពង្រីកឱ្យទូលាយចុះ អល់ឡោះពិតជានឹងធ្វើឱ្យទូលាយជូន ពួកអ្នក។ ហើយកាលណាគេថា ចូរពួកអ្នកក្រោកឈរឡើង! សូមពួកអ្នកក្រោកឈរឡើងទៅ អល់ឡោះពិតជានឹងលើកកំពស់ជាច្រើនឋានៈ ចំពោះពួកដែលបានជឿក្នុងចំណោមពួកអ្នកព្រមទាំង ពួកដែលត្រូវបានគេផ្តល់ចំណេះដឹង។ ហើយអល់ឡោះជាអ្នកដឹងបំផុត នូវអ្វីដែលពួកអ្នកបានប្រព្រឹត្ត

ឱបណ្តាអ្នកដែលជឿ! កាលណាពួកអ្នកបានសន្ទនាផ្ទាល់នឹងរ៉សូល ចូរពួកអ្នកដាក់ជូននូវ សប្បុរសទានមួយ មុននឹងកិច្ចសន្ទនារបស់ពួកអ្នក។ ទាំងនេះគឺជាកុសលសំរាប់ពួកអ្នក និង បរិសុទ្ធបំផុត។ ប្រសិនបើពួកអ្នកគ្មាន ក៏អល់ឡោះពិតជាអ្នកអភ័យទោសឱ្យ ជាអ្នកអាណិត អាសូរបំផុត

តើពួកអ្នកខ្លាចឬ ដែលពួកអ្នកដាក់ជូននូវសប្បុរសទានទាំងឡាយនៅមុន នឹងកិច្ចសន្ទនារបស់ពួកអ្នក?។ កាលណាពួកអ្នកមិនអនុវត្តទ្តេ ក៏អល់ឡោះបានអធ្យាស្រ័យ ឱ្យពួកអ្នកដែរ ហើយចូរពួកអ្នកបញ្ឈរសឡាត៍ និងផ្តល់ហ្សាកាត៍ ហើយចូរពួកអ្នកគោរព ប្រតិបត្តិអល់ឡោះ និងរ៉សូលរបស់លោក។ ហើយអល់ឡោះជាអ្នកដឹងបំផុត នូវអ្វីដែលពួក អ្នកបានប្រព្រឹត្ត