Surah Al-Munafiqoon Translated in Khmer

កាលណាពួកពុតត្បុតបានមកដល់អ្នក ពួកគេថា ពួកយើងធ្វើសាក្សីថា ការពិតអ្នក ជារ៉សូលអល់ឡោះ ករណីដែល អល់ឡោះ ពិតជាដឹងអ្នកពិតជារ៉សូលលោក ហើយ អល់ឡោះធ្វើសាក្សី ការពិតពួកពុតត្បុតពិតជាពួកភូតកុហក

ពួកគេយកការស្បថ ស្បែរបស់ពួកគេធ្វើជាខែល រួចពួកគេបានខារខាំងគេពីផ្លូវអល់ឡោះ ការពិតពួកគេ អាក្រក់បំផុត អ្វីដែលពួកគេធ្លាប់បានសាង

ទាំងនេះ មកពីពួកគេបានជំនឿ ក្រោយមក ពួកគេបានអជំនឿវិញ រួចមក គេក៏បានបិទភ្ជិតនៅលើចិត្តគំនិតពួកគេ រួចមក ពួកគេក៏មិនយល់អ្វីឡើយ

កាលណាអ្នកបានឃើញពួកគេ ខ្លួនប្រាណពួកគេ ធ្វើឱ្យស្ញប់ស្ញែងដល់អ្នក ហើយប្រសិនបើពួកគេនិយាយ អ្នកពិតជាស្តាប់ចំពោះសំដី ពួកគេ ពួកគេប្រៀបប្រដូចនឹងអង្កត់អុសដែលគេផ្អែកគរ ពួកគេគិតស្មានថា សំរែក នីមួយៗតំរង់ទៅលើពួកគេវិញ ពួកគេគឺជាសត្រូវ ដូចនេះ អ្នកត្រូវប្រុងប្រយ័ត្ននឹង ពួកគេ។ អល់ឡោះបានប្រល័យពួកគេ។ ពួកគេនឹងត្រូវគេបង្វែរយ៉ាងដូចម្តេច?

កាលណាគេនិយាយទៅកាន់ពួកគេថា ចូរពួកអ្នកអញ្ជើញមកចុះ រ៉សូល អល់ឡោះពិតជានឹងសុំអភ័យទោសឱ្យពួកអ្នក។ ពួកគេបានងាកក្បាល ពួកគេ ហើយអ្នកបានឃើញពួកគេនឹងរារាំងគេ ទាំងពួកគេជាពួកក្រអឺត ក្រអោង

ពួកគេនៅតែដដែលទេ ទោះបីអ្នកសុំអភ័យទោសឱ្យពួកគេ ឬអ្នកមិនសុំអភ័យទោសឱ្យក៏ដោយ អល់ឡោះនឹងមិនអភ័យទោសឱ្យពួក គេឡើយ ការពិតអល់ឡោះនឹងមិនមគ្គុទ្ទេសឡើយ ចំពោះក្រុមមនុស្ស ខិលខូច

គឺជាពួកដែលបានថា ចូរពួកអ្នកកុំចំណាយឧបត្ថម្ភទៅលើអ្នក ដែលនៅឯរ៉សូលអល់ឡោះ លុះត្រាតែពួកគេនឹងបែកចេញសិន។ ហើយ កម្មសិទ្ធិរបស់អល់ឡោះ គឺរតនសម្បត្តិរបស់មេឃទាំងឡាយ និងភពផែនដី ក៏ប៉ុន្តែ ពួកពុតត្បុតមិនយល់ឡើយ

ពួកគេថា ប្រសិនបើពួកយើង ត្រឡប់ទៅមេឌីនវិញ អ្នកមានអំណាច ពិតជាបណ្តេញអ្នកខ្សត់ខ្សោយ ចេញពីមេឌីន។ ហើយ អំណាចជាកម្មសិទ្ធិរបស់អល់ឡោះ និងរបស់ រ៉សូលលោក និងជារបស់ពួកអ្នកជំនឿ ក៏ប៉ុន្តែ ពួកពុតត្បុត មិនដឹងឡើយ

ឱបណ្តាពួកដែលជឿ! ចូរកុំឱ្យទ្រព្យសម្បត្តិរបស់ពួកអ្នក និងកុំឱ្យកូនចៅ របស់ពួកអ្នក បង្វែរពួកអ្នកពីការរំលឹកអល់ឡោះ។ ជនណាហើយប្រព្រឹត្ត ប្រការទាំងនេះ ពួកគេនោះជាពួកខាតបង់

ហើយ ចូរពួកអ្នកចំណាយ ភាគខ្លះ នៃអ្វីដែលយើងបានផ្តល់ភាក្សាហារដល់ទៅពួកអ្នក នៅពេល មុនសេចក្តីស្លាប់នឹងឈានមកដល់ ជនណាម្នាក់នៃពួកអ្នក រួចមកជននោះ ប្រាកដជានឹងថា ឱម្ចាស់របស់ខ្ញុំ ហេតុអ្វីបានជាលោកមិនបង្អង់ឱ្យខ្ញុំទៅ ដល់កាលកំណត់ដ៏ជិតបំផុតមួយទៅ ទាល់តែខ្ញុំនឹងធ្វើទាន ហើយខ្ញុំនឹង មានក្នុងចំណោមពួកអ្នកកុសល