Surah Al-Qasas Translated in Khmer

ត ស៊ីន មីម

នេះជាអាយ៉ាត់ៗរបស់គម្ពីរដ៏ជាក់លាក់

យើងនឹងសូត្រទៅលើអ្នកស្តីពី ព្រឹត្តិការណ៍ខ្លះរបស់មូសា និងហ្វារ៉ាអុងដោយសច្ចៈ សម្រាប់ក្រុមមនុស្សមួយដែលជឿ

ការពិតហ្វារ៉ាអុងបានលើកតម្កើងខ្លួននៅលើទឹកដី ហើយបានចាត់ចែងប្រជានុរាស្ត្រ របស់ទឹកដីនោះជាពួកៗ ដែលគេធ្វើឱ្យទន់ខ្សោយដាក់ក្រុមមួយនៃពួកគេ គេអារកបុត្រាៗ ពួកគេ ហើយគេទុកជីវិតបុត្រីៗពួកគេ វាពិតជាក្នុងចំណោមពួកប្រព្រឹត្តវឹកវរ

ក៏ប៉ុន្តែ យើងប្រាថ្នា ដើម្បីយើងនឹងអនុគ្រោះទៅលើពួកដែលត្រូវបានគេធ្វើឱ្យទន់ខ្សោយនៅក្នុង ទឹកដី យើងនឹងចាត់ពួកគេជាអ្នកដឹកនាំ ហើយយើងនឹងចាត់ពួកគេជាអ្នកស្នងមរតក

ហើយយើងនឹងផ្តល់ទីកន្លែងឱ្យពួកគេនៅឯដី ហើយយើងចង់ឱ្យហ្វារ៉ាអុង និង ហាម៉ាន ព្រមទាំងពួកកងទ័ពរបស់អ្នកទាំងពីរនៃពួកគេនោះ បានមើលឃើញ នូវអ្វីដែលពួកគេធ្លាប់បានក្រែងរអែង

ហើយយើងបានបណ្តុះគំនិតទៅកាន់ មាតាមូសាថា ចូរអ្នកបំបៅគេទៅ រួចមក កាលណាអ្នកបារម្ភនៅលើគេនេះ ពេលនោះ ចូរអ្នកដាក់គេទៅលើសមុទ្រ ហើយចូរអ្នកកុំខ្លាច ហើយចូរអ្នកកុំ កើតទុក្ខទៀត។ យើងប្រាកដជានឹងត្រឡប់គេឱ្យទៅដល់អ្នកវិញ ហើយនឹងចាត់ គេ ក្នុងចំណោមពួករ៉សូល

បរិវារបស់ហ្វារ៉ាអុងក៏បានរើសមូសា ដើម្បីគេ នឹងក្លាយទៅជាសត្រូវម្នាក់ចំពោះពួកគេ និងជាការទុក្ខព្រួយមួយ។ ការពិត ហ្វារ៉ាអុង និងហាម៉ាន ព្រមទាំងកងទ័ពទាំងឡាយរបស់គេទាំងពីរ គឺជាពួកអ្នក មានទោសកំហុស

ភរិយារបស់ហ្វារ៉ាអុងថា ទារកនេះគឺជាការត្រជាក់ភ្នែក មួយសម្រាប់យើង និងសម្រាប់អ្នក។ ចូរពួកអ្នកកុំសម្លាប់គេ រំពឹងថា គេនឹង អាចផ្តល់អត្ថប្រយោជន៍ដល់ពួកយើង ឬក៏យើងនឹងទទួលយកគេធ្វើជាបុត្រា។ ពួកគេទាំងនោះកំពុងតែមិនដឹងខ្លួន

ចិត្តមាតាមូសាប្រែជាទំនេរ។ ការពិត នាងហៀបតែនឹងបកស្រាយរឿងសំងាត់ស្តីពីមូសា បើសិនយើងមិនបានពង្រឹង ទៅលើចិត្តនាង ដើម្បីឱ្យនាងក្លាយទៅក្នុងចំណោមពួកអ្នកជឿ