Surah As-Sajda Translated in Khmer

អាលីហ្វ ឡាម មីម

ការដាក់ចុះគម្ពីរ ដែលគ្មានទេការមន្ទិលសង្ស័យក្នុងនោះ គឺធ្វើ ឡើងពីម្ចាស់លោកទាំងមូល

តើពួកគេថា មូហាំម៉ាត់ច្នៃប្រឌិតវាឡើង? ផ្ទុយទៅវិញ វាគឺសច្ចៈពីម្ចាស់របស់អ្នក ដើម្បីអ្នកនឹងដាស់តឿនក្រុមមនុស្សមួយ ដែលមិនទាន់បាន ទៅដល់ពួកគេ ដោយអ្នកដាស់តឿនណាម្នាក់កាលពីសម័យមុនអ្នក សង្ឃឹមថាពួកគេនឹង ទទួលបាននូវមគ្គុទ្ទេសន៍

អល់ឡោះដែលបានបង្កើតមេឃទាំងឡាយ និងផែនដីព្រម ទាំងអ្វីដែលមានចន្លោះទាំងពីរក្នុងរយៈពេលប្រាំមួយថ្ងៃ ក្រោយមកលោកបានអ៊ីសតាវ៉ា លើអារ៉ស្ស។ក្រៅពីលោក ពួកអ្នកគ្មានសម្ព័ន្ធគាំពារណាម្នាក់ ហើយក៏គ្មានអ្នកអន្តរាគមន៍ ណាម្នាក់ដែរ។ តើពួកអ្នកមិននឹកឃើញទេឬ?

លោកចាត់ចែងកិច្ចការពីមេឃឆ្ពោះ ទៅកាន់ដី ក្រោយមកវានឹងឡើងឆ្ពោះទៅលោក នៅក្នុងថ្ងៃមួយដែលកំរិតរង្វាស់វាស្មើ មួយពាន់ឆ្នាំ នៃអ្វីដែលពួកអ្នកគណនា

ទាំងនេះគឺជាអ្នកដឹងនូវអាថ៌កំបាំង និងការ លាតត្រដាង ដែលជាអ្នកពលានុភាព ជាអ្នកអាណិតអាសូរបំផុត

ដែលលោកបានផ្ចិត ផ្ចង់នូវរាល់វត្ថុដែលលោកបានបង្កើតវា។ ហើយលោកបានផ្តើមបង្កើតមនុស្សពីដីឥដ្ឋ

ក្រោយមក លោកបានបង្កើតបច្ឆាជនតា(កូនចៅ)របស់មនុស្សពីសារធាតុមួយនៃទឹកដ៏ ថោកទាបបំផុត

ក្រោយមក លោកបានបំពេញទ្រង់ទ្រាយដល់មនុស្ស ហើយលោក បានផ្លុំទៅក្នុងមនុស្សពីរូហ៍អំពីលោក ហើយលោកបានបង្កើតពួកអ្នក នូវសោតវិញ្ញាណ ចក្ខុវិញ្ញាណ និងចិត្តគំនិត។ តិចតួចបំផុតពួកអ្នកសំដែងការដឹងគុណ

ហើយពួកគេបាន និយាយថា កាលណាពួកយើងបានលិចបាត់ទៅក្នុងដីហើយ តើពួកយើងពិតជាស្ថិតក្នុង ការផ្តល់កំណើតជាថ្មីវិញឬ? ម៉្យាងវិញទៀត ពួកគេគឺជាពួកដែលមិនជឿនឹងជំនួបម្ចាស់ របស់ពួកគេ