Surah Maryam Translated in Khmer

កាហ្វ ហ៊ើ យ៉ា អីន សោទ

ការរំលឹកពីការអាណិតស្រលាញ់របស់ ម្ចាស់អ្នក ចំពោះអ្នកគោរពលោកឈ្មោះហ្សាការីយ៉ា

នៅពេលដែលគេ បានហៅម្ចាស់គេ នូវការហៅមួយដ៏កំបាំងបំផុត

គេបានហៅថា ម្ចាស់ ខ្ញុំ! ឆ្អឹងរបស់ខ្ញុំពិតជាទន់ខ្សោយពីខ្ញុំ ហើយក្បាលរបស់ខ្ញុំ ពោរពេញដោយ សក់ស្កូវ ហើយខ្ញុំពុំមែនជាអ្នកអពមង្គល ដោយសារការបួងសួងចំពោះ លោកទេ ឱម្ចាស់ខ្ញុំ!

ហើយខ្ញុំពិតជាបារម្ភចំពោះអ្នកស្នងក្រោយពីខ្ញុំ ហើយភរិយាខ្ញុំជាស្ត្រីអារម្នាក់ ហេតុនេះសូមលោកមេត្តាប្រទានឱ្យខ្ញុំ មាន អ្នកស្នងម្នាក់ពីលោកផង

ដែលនឹងទទួលមរតកពីខ្ញុំ និងទទួលមរតកពី ក្រុមញាតិយ៉ាក់កូប។ ហើយសូមលោកចាត់គេជាទីគាប់ចិត្តម្នាក់ផង ឱ ម្ចាស់!

នែ៎ហ្សាការីយ៉ា! យើងពិតជានឹងផ្តល់ការរីករាយដល់អ្នក ដោយ កុមារម្នាក់ឈ្មោះគេគឺយ៉ះយ៉ា ដែលពីមុនមក យើងមិនដែលចាត់ឱ្យគេមាន ឈ្មោះដូចនេះទេ

គេថា ឱម្ចាស់! ខ្ញុំមានកូនដូចម្តេចនឹងកើត ក្នុងករណី ភរិយាខ្ញុំជាស្ត្រីអារម្នាក់ ហើយខ្ញុំក៏ពិតជាបានឈានដល់ការជ្រុលពេកមួយនៃ ចាស់ជរា

គេថា ប្រៀបដូចទាំងនេះ ម្ចាស់អ្នកបានថា វាជាការងាយ ស្រួលបំផុតលើយើង ហើយយើងពិតជាបានបង្កើតអ្នកកាលពីមុននោះ ក្នុង ករណីអ្នកមិនទាន់មានអ្វីសោះ

គេថា ឱម្ចាស់! សូមលោកមេត្តាចាត់ ឱ្យខ្ញុំមានសញ្ញាមួយ។ លោកបានថា សញ្ញារបស់អ្នកគឺករណីដែលអ្នកមិន និយាយទៅកាន់មនុស្សរយៈពេលបីរាត្រីពេញ