Quran Apps in many lanuages:

Surah Al-Bayyina Translated in Sindhi

98:1

لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنْفَكِّينَ حَتَّىٰ تَأْتِيَهُمُ الْبَيِّنَةُ

ڪتاب وارن ۽ مشرڪن مان جن ڪفر ڪيو سي (ايسين پنھنجي رسم کان) الڳ ٿيڻ وارا نہ ھئا جيسين تائين وٽن پڌري حجت (نہ) اچي

98:2

رَسُولٌ مِنَ اللَّهِ يَتْلُو صُحُفًا مُطَهَّرَةً

(يعني) الله جو پيغمبر، جو پاڪ صحيفا پڙھي

98:3

فِيهَا كُتُبٌ قَيِّمَةٌ

جن ۾ سڌا سنوان لکيل حُڪم ھجن

98:4

وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَتْهُمُ الْبَيِّنَةُ

۽ جن کي ڪتاب ڏنو ويو، سي پاڻ وٽ پڌريءَ حجت جي اچڻ کانپوءِ ٽولا ٽولا ٿيا

98:5

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ

۽ ھن کانسواءِ (ٻيو) ڪو حڪم نہ ڪيو وين تہ باطل کان مُنھن موڙي الله جي عبادت ڪن ۽ نماز پڙھندا رھن ۽ زڪوٰة ڏيندا رھن ۽ اھو ئي سڌو دين آھي

98:6

إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ

بيشڪ ڪتاب وارن ۽ مشرڪن مان جن ڪفر ڪيو سي دوزخ جي باھ ۾ پوندا، منجھس سدائين رھندڙ ھوندا، اِھي ئي (ساريءَ) خلق کان (تمام) بڇڙا آھن

98:7

إِنَّ الَّذِينَ آمَنُوا وَعَمِلُوا الصَّالِحَاتِ أُولَٰئِكَ هُمْ خَيْرُ الْبَرِيَّةِ

بيشڪ جن ايمان آندو ۽ چڱا ڪم ڪيا اِھي ئي (ساريءَ) خَلق کان ڀَلا آھن

98:8

جَزَاؤُهُمْ عِنْدَ رَبِّهِمْ جَنَّاتُ عَدْنٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا ۖ رَضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ

سندن بدلو سندن پالڻھار وٽ ھميشہ جي رھڻ وارا باغ آھن، جن جي ھيٺان واھيون پيون وھن، انھن ۾ ھميشہ سدائين رھندڙ ھوندا الله کانئن راضي ٿيو ۽ اُھي کانئس راضي ٿيا، اِھو (وعدو) اُنھيءَ لاءِ آھي، جيڪو پنھنجي پالڻھار کان ڊنو