Quran Apps in many lanuages:

Surah Al-Qamar Translated in Sindhi

اقْتَرَبَتِ السَّاعَةُ وَانْشَقَّ الْقَمَرُ

قيامت ويجھي آئي ۽ چنڊ چيرجي پيو

وَإِنْ يَرَوْا آيَةً يُعْرِضُوا وَيَقُولُوا سِحْرٌ مُسْتَمِرٌّ

۽ جيڪڏھن (ڪافر) ڪا نشاني ڏسندا تہ مُنھن موڙيندا ۽ چوندا تہ ھيءُ (اڳ کان) ھلندڙ جادو آھي

وَكَذَّبُوا وَاتَّبَعُوا أَهْوَاءَهُمْ ۚ وَكُلُّ أَمْرٍ مُسْتَقِرٌّ

۽ ڪوڙ ڄاتائون ۽ پنھنجن سَڌن تي ھليا ۽ سڀڪو ڪم پنھنجي وقت تي ٺھرايل آھي

وَلَقَدْ جَاءَهُمْ مِنَ الْأَنْبَاءِ مَا فِيهِ مُزْدَجَرٌ

۽ بيشڪ وٽن اُھي خبرون آيون آھن جن ۾ دڙڪو آھي

حِكْمَةٌ بَالِغَةٌ ۖ فَمَا تُغْنِ النُّذُرُ

پوري ڏاھپ (بہ) آھي پوءِ عبرت جون ڳالھيون کين ڪو فائدو نہ ٿيون ڏين

فَتَوَلَّ عَنْهُمْ ۘ يَوْمَ يَدْعُ الدَّاعِ إِلَىٰ شَيْءٍ نُكُرٍ

تنھنڪري کانئن مُنھن موڙ، جنھن ڏينھن سڏيندڙ اَڻ وڻندڙ شئي ڏانھن سڏيندو

خُشَّعًا أَبْصَارُهُمْ يَخْرُجُونَ مِنَ الْأَجْدَاثِ كَأَنَّهُمْ جَرَادٌ مُنْتَشِرٌ

(تنھن ڏينھن) پنھنجن جھڪين اکين سان قبرن مان ايئن نڪرندا جو ڄڻڪ اُھي پکڙيل مڪڙ آھن

مُهْطِعِينَ إِلَى الدَّاعِ ۖ يَقُولُ الْكَافِرُونَ هَٰذَا يَوْمٌ عَسِرٌ

(اُن) سڏيندڙ ڏانھن ڊوڙندا ويندا، ڪافر تہ ھيءُ ڏکيو ڏينھن آھي

كَذَّبَتْ قَبْلَهُمْ قَوْمُ نُوحٍ فَكَذَّبُوا عَبْدَنَا وَقَالُوا مَجْنُونٌ وَازْدُجِرَ

اِنھن کان اڳ نوح جي قوم ڪوڙ ڀانيو پوءِ اسان جي ٻانھي کي ڪوڙو ڄاتائون ۽ چيائون تہ چريو آھي ۽ (کيس) ڌمڪايو ويو

فَدَعَا رَبَّهُ أَنِّي مَغْلُوبٌ فَانْتَصِرْ

پوءِ ھن پنھنجي پالڻھار کي عرض ڪيو (۽ چيائين) تہ بيشڪ آءٌ ھيڻو آھيان، تنھنڪري (اي رب!) تون کانئن وير وٺ